• MARTXOAREN 8: 
    • Zaintza eta bizia erdigunean jartzera dator berriz, egun honetako eskakizun nagusia: GURE BIZITZEKIN NEGOZIORIK EZ! da mugimendu feministak proposatutako leloa.
    • Arbizun ere, mugimendu feministak antolatutako ekimenak egonen dira egun horren harira eta Udaletxearen laguntza eta babesa jasoko dituzte ekimenek.
      • M-8:
        • 18:30an Txokolate beroa plazan.
        • 19:00ean KONTZENTRAZIOA PLAZAN.
      • M-17:
        • 18:00tan: BAKARRIZKETA Udal areto nagusian.
    • Horrez gain, atzoko plenoan mozio bat onartu genuen, non puntu nagusiak hauek diren:
      • Jendarte berdinzale baten eraikuntzan, gure herriak dinamika eraldatzaile eta partekatu bat abiatu behar du, erakundeetatik ahalegin eta konpromiso hori aitortuz, proposamenak eta aldarrikapenak jasoz eta topaketa guneak bultzatu eta indartuz. 
      • Beharrezkoa da ikuspegi feminista txertatzea aurrera eraman nahi dugun prozesu subiranistan. Hori dela eta:
        • Berdintasun zein Barne Planen bidez, egungo gobernantza ereduaren inguruan hausnartu eta emakumeen boteretzea sustatzeko bideak ezartzen jarraitzea.
        • Euskal Herriko mugimendu feministak herrian bultzatuko duen dinamikarekin eta M-8ko deialdiekin bat egin, herritarrei parte hartzeko deialdia eginez.
        • Mugimendu Feministak bidezko eta berdintasunezko gizartea lortzeko egindako eta egiten duen ekarpena eta lana, aitortzea.
  • PLENOAN ONARTUTAKO EBAZPENAK:
    • Herrian antolatzen diren ospakizun-festa egunetan ostalaritzak izan ahalko duen ordutegi berezia regulatzeko araudia onartu da. Egun horietan, goizeko 6:00ak arte egon ahalko dira zabalik.
    • Kattukako teilatuan eguzki plakak jartzeko plegua onartu da esleipena egin ahal izateko. Sakanako 7 enpresa gonbidatuko dira oferta eskeintzera. Obra, abuztuan eginen da, Kattuka itxita dagoen bitartean.
    • Obra lizentzia eskuratzeko, Tasa eta Zerga (ICIO) ordaintzen dira. Hemendik aurrera, 15.000€-ko aurrekontua baino txikiagoek, bakarrik zerga ordainduko dute, Tasarik ez.
    • Tren sozialaren alde eta abiadura handiko trenaren aurkako manifestu bat sinatu dugu alkate eta zinegotziok.